Пераемнасць у рабоце
18.01.2022Абмен вопытам паміж настаўнікамі пачатковых класаў і выхавальнікамі дашкольнай установы – адна з умоў паспяховай адаптацыі будучых першакласнікаў да навучання ў школе.
Таму ўзаемадзеянне Ільянскага яслей-сада са школай з’яўляецца ўжо традыцыйнай справай. Вось і сёння вучні 4 класа пад кіраўніцтвам класнага кіраўніка Маскаленкі Т.Р. наведалі выхаванцаў дашкольнай установы і правялі акцыю «Пакармі птушак зімой». У гульнявой форме вучні расказалі дашкалятам пра зімуючых птушак, кармы і падкормку для іх, загадалі загадкі. Разам з дашкалятамі павесілі домікі-кармушкі ў двары дзіцячай установы. Актыўны ўдзел у акцыі прынялі і бацькі вучняў: менавіта іх умелымі рукамі былі створаны птушыныя «сталовыя». Справа агульная – вынік карысны для кожнага!
 |
 |
 |
 |
 |
 |
 |
 |
