Ільянскія далягляды

Народны гістарычны музей "Ільянскія далягляды"

Гістарычны музей у Ільянскай сярэдняй школе Вілейскага раёна быў адкрыты загадам дырэктара школы №21 ад 20.05.1995 года.

13.12.2010 года рашэннем калегіі Міністэрства культуры Рэспублікі Беларусь №149 музею прысвоена званне “народны”.

Экспазіцыі музея размешчаны ў асобным памяшканні плошчай  60м2 і ў дадатковым памяшканні плошчай 25м2, інфармацыйны краязнаўча-метадычны цэнтр размешчан у памяшканні плошчай  60м2.

Пералік найбольш каштоўных экспанатаў: набор гузікаў вайскоўцаў арміі Напалеона, каменныя сякеры, крэмневы скрабок, кавалкі крычнага жалеза, элемент кальчугі, пушачнае ядро 1812 года, патэфон трафейны, рэлігійнае выданне, дакументы на зямлю, салдацкі кацялок 1914 года, мухалоўкі шкляныя, арган, куфар 19 стагоддзя, калаўрот-ляжак (самапрадка), кросны (ручны ткацкі станок), копія пасведчання аб смерці М.К. Агінскага.

Паляпшаюцца умовы экспаніравання музейных прадметаў, створаны новыя вітрыны, напісаны анатацыі. Пачаўся выпуск музейнага бюлетэня для навучэнцаў, настаўнікаў і бацькоў з інфармацыяй аб паступіўшых музейных прадметах, апісанне асобных экспанатаў, аб экскурсаводах, лепшых краязнаўцах школы, зместы краязнаўчых тэстаў і інш. Да святкавання 150-годдзя школы праведзена  аднаўленне і папаўненне музейных вітрын.

Асноўныя раздзелы экспазіцый музея:

1.  “Водгукі ліхалецця”.

2.  “Пад прасамі гісторыі”.

3.  “Польскі перыяд”.

4.  “Савецкі перыяд”.

5.  “Рамёствы, мастацтва і быт”.

6.  “Гісторыя Ільянскай школы”.

Акрамя музейнай экспазіцыі, створаны інфармацыйны краязнаўча-метадычны цэнтр, працуе школьнае выдавецтва і прэс-цэнтр. Тут ажыццяўляецца збор літаратуры, дакументаў, альбомаў, даследчых прац, краязнаўчых праектаў, аудыё- і відэаматэрыялаў. Для працы ўстаноўлены камп’ютар, іншая тэхніка для агучвання і прагляду сабранай інфармацыі для настаўнікаў, вучняў, бацькоў і ўсіх жадаючых. Матэрыялы ўлічаны, захоўваюцца ў шафах. У цэнтры праводзяцца тэматычныя выставы малюнкаў, фотаздымкаў, творчых прац вучняў і настаўнікаў, метадычных матэрыялаў. Музей і інфармацыйны цэнтр наведваюць настаўнікі і вучні, іх бацькі, навучэнцы Ільянскага аграрнага каледжа.

Паважаныя наведвальнікі нашага віртуальнага музея! Калі ў вас ёсць патрэба азнаёміцца з матэрыяламі музея ў поўным аб'ёме, звяртайцеся да нас па тэлефону, электроннай ці звычайнай пошце, а таксама прыязджайце і прыходзьце на экскурсіі.

свернуть

Даследаванні і праекты

Дакументы для спампоўвання (Yandex-дыск)
развернуть

Летапіс вёскі Ілья

Дакументы для спампоўвання
развернуть

Экспазіцыя 1. Водгукі ліхалецця

У гэтым раздзеле прадстаўлены матэрыялы аб Вялікай Айчыннай вайне, іншых войнах і ваенных канфліктах. На вітрынах размешчаны рэшткі зброі і боепрыпасаў, асабістыя рэчы і амуніцыя, фотаздымкі і дакументы, салдацкія лісты, узнагароды, успаміны, даследчыя працы, літаратура і іншыя прадметы. Экспазіцыя расказвае сапраўдныя гісторыі аб акупацыі, халакосце, партызанскім руху, падполлі, баявых дзеяннях, вызваленні, аб ветэранах. У экспазіцыі прадстаўлены сапраўдныя экспанаты з часоў вайны 1812 года, Першай Сусветнай, аб паўстанні 1861-1863 гадоў і іншых розных ваенных ліхалеццях, перажытых Ільянскай зямлёю і яе жыхарамі.

свернуть

Экспазіцыя 2. Пад прасамі гісторыі

У раздзеле прадстаўлены прадметы, звесткі аб Ільі і наваколлі з самых даўнейшых часоў: каменныя сякеры, прадметы з крэменю. Сабраны прадметы аб дзейнасці жалезаробчых цэнтраў каля вёскі Бязводнае і Карытніца, рэшткі вырабаў шкляной мануфактуры ў Ільі, а таксама тапанімічныя матэрыялы, легенды, паданні, фотаздымкі, дакументы, карты, кнігі, старажытныя грошы, прадметы геральдыкі, мясцовай архітэктуры, гаспадарчай дзейнасці людзей, рэлігійных канфесій і шмат іншага.

свернуть

Экспазіцыя 3. Польскі перыяд

У экспазіцыі адлюстраваны перыяд, калі Ільяншчына ўваходзіла ў склад Польшчы адпаведна Рыжскаму дагавору з сакавіка 1921 года па 17 верасня 1939 года.Прадстаўлены матэрыялы аб жаўнерах Войска Польскага, аб памесцях і маёнтках і іх гаспадарах, аб гаспадарчай дзейнасці насельніцтва, адметных культурных і бытавых рысах, асаблівасцях узаемаадносін прадстаўнікоў розных нацыянальнасцей і рэлігійных канфесій. Дэманструюцца дакументы, друкаваныя выданні на польскай мове.

свернуть

Экспазіцыя 4. Савецкі перыяд

У гэтым раздзеле экспанаты расказваюць аб рэвалюцыі 1917 года, аб далучэнні Заходняй Беларусі да Савецкага Саюза, аб стварэнні калгасаў, аб рэпрэсіях, аб пасляваенным жыцці, аб дзейнасці дзяржавы, партыйных і камсамольскіх органаў, аб людзях і падзеях, якія адбываліся ў той перыяд і зрабіліся нашай гісторыяй.

свернуть

Экспазіцыя 5. Рамёствы, мастацтвы і быт

У экспазіцыі прадстаўлены шматлікія прылады працы і быту, вырабы рамеснікаў і мастацкія вырабы ўмельцаў, інфармацыя аб творчых людзях мясцовасці. Прадстаўлены прадметы, якія паказваюць тэхналогію апрацоўкі ільну, ткацтва, апрацоўкі прадуктаў харчавання, апрацоўкі зямлі і шмат чаго яшчэ. Прадстаўлены макеты жылля, сядзібы.

свернуть

Экспазіцыя 6. Гісторыя Ільянскай школы

Школа ў Ільі, паводле дакументальных крыніц, існуе з 1862 года. На вітрыне прадстаўлены школьныя прылады, уласныя рэчы вучняў, падручнікі розных гадоў выдання, фотаздымкі з школьнага жыцця, якія расказваюць аб настаўніках і вучнях, аб выпускніках школы, аб тых, хто праслаўляе родную школу. Тут прадстаўлены матэрыялы аб заслужаных настаўніках, а таксама аб сусветна вядомым вучоным-педагогу Грымацю Адаму Антонавічу (дадатковую інфармацыю можна )

свернуть